બનાસકાંઠા: ચુંટણી પંચ નો નવતર પ્રયોગ ! મતદારો ને મતદાન કરવા માટે મળી અનોખી કંકોત્રી…જુઓ શુ શુ લખ્યુ

મિત્રો જેમ તમે જાણોજ છો કે હાલ ચૂંટણીનો માહોલ ચાલી રહ્યો છે તેવામાં અલગ અલગ પાર્ટીના નેતા પોતાની જે તે પાર્ટી માટે નારાઓ અને રેલીઓ લગાવતા હોઈ છે. જેમાં તેઓ મતદાન કરવા માટે નો સંદેશો મોકલતા હોઈ છે તેવીજ રીતે હાલ જિલ્લા ચૂંટણી અધિકારીએ અને કલેક્ટર આનંદ પટેલએલોકશાહીના આ અવસરને દીપાવવા કંકોત્રી દ્વારા મતદારોને નિમંત્રણ પાઠવ્યું છે. મિત્રો જેમ લગ્ન પ્રસંગમાં પધારવા માટે જે રીતે સ્વજનોને કંકોત્રી મોકલી ભાવભર્યું નિમંત્રણ પાઠવવામાં આવે છે, એવી જ રીતે બનાસકાંઠા જિલ્લાના ચૂંટણી અધિકારી અને કલેક્ટર આ અનોખી પહેલ શરૂ કરી છે.

તેમજ વાત કરીએ તો કંકોત્રીમાં અવસરનું આગણું મતદાન મથક, અવસરની તારીખ- 5 મી ડિસેમ્બર સવારે 8-00 થી સાંજે 5-00 વાગ્યા સુધીનો સમય દર્શાવી ચૂંટણીના પવિત્ર અવસરમાં સમયસર પધારી મતદારોને તેમના મતાધિકારના પવિત્ર હકનો ઉપયોગ કરી લોકશાહીના યજ્ઞમાં યોગદાન થકી આ અવસરને દીપાવવા સૌને જિલ્લા ચૂંટણી તંત્ર બનાસકાંઠા દ્વારા ભાવભર્યું નિમંત્રણ પાઠવવામાં આવ્યું છે.

આમ આ નિમંત્રણ પત્રિકામાં લખવામાં આવ્યું છે કે, આપણા સ્વાતંત્ર્યવીરોના આશીર્વાદ અને ભારતના સંવિધાનની અસીમકૃપાથી આપણને સૌને લોકશાહીની અમૂલ્ય ભેટ તથા લોકશાહીને ધબકતી રાખવા મતદાનનો પવિત્ર અધિકાર મળ્યો છે. ત્યારે લોકશાહીના ઉત્સવ સમાન રૂડો અવસર એટલે ‘ગુજરાત રાજ્ય વિધાનસભાની સામાન્ય ચૂંટણી 2022’નો કાર્યક્રમ નિર્ધારિત થયેલ છે.

તેમજ બનાસકાંઠા જિલ્લામાં 9 વિધાનસભા ક્ષેત્રોની યોજાનાર ચૂંટણીના પવિત્ર અવસરમાં સમયસર પધારી તમારા અને તમારા પરિવારજનોના મતાધિકારના પવિત્ર હકનો ઉપયોગ કરી લોકશાહીના યજ્ઞમાં યોગદાન થકી આ અવસરને દિપાવવા સૌને ભાવભર્યું નિમંત્રણ પાઠવવામાં આવે છે. આમાં તારીખ, સ્થળ અને સમયની સાથે-સાથે ટહુકો પણ લખવામાં આવ્યો છે. ટહુકામાં લખવામાં આવ્યું છે કે, “સૌ મારા બનાસના જાગૃત મતદારો, અવસર છે લોકશાહીનો માહોલ છે ચૂંટણીનો…મારો તમારો સૌના અધિકારનો…મત આપવા જરૂર-જરૂરથી પધારજો…ભૂલતા નહીં હો…કે”

નોંધ – વેબસાઇટ પર પ્રકાશ થતા તમામ સમાચાર અને કહાનીઓ કોઈક સોર્સ ઉપરથી લેવામાં આવેલા છે. અમારો ફક્ત એજ ઉદેશ્ય છે કે સારી માહિતી તમારા સુધી પહોંચાડવી. પ્રકાશ થતા દરેક ન્યૂઝ તથા કહાનીઓની તમામ જવાબદારી જે તે લેખક તથા સોર્સ ની રહેશે. ટુડે ગુજરાત વેબસાઇટ કે પેજ ની કોઈ પણ પ્રકારની જવાબદારી રહેશે નહિ. આ ઉપરાંત કોઈપણ વાયરલ વિડીઓ ની પુષ્ટિ ગુજરાતી અખબાર કરતુ નથી જેની ખાસ નોંધ લેવી અમારી વેબસાઈટ અને પેજ પર સારા સારા સમાચાર વાંચતા રહો અને આગળ શેર કરતા રહો.