છોટાઉદેપુર: એક સમયે ત્રણ ટાઈમ સરખો ખોરાક પણ નો મળતો, હવે ઇન્ડિયન નેવીએ સામેથી ઓફર કરી નોકરી… ખુબ સંઘર્ષમય છે જીવન

મિત્રો જીવનમાં ગમે તેવી મુશ્કેલી આવી જાય પણ જો વ્યક્તિ તેનું મન મક્કમ રાખીને તેના લક્ષ્યને સિદ્ધ કરવા માટે ખુબજ મહેનત અને સંઘર્ષ કરતો હોઈ છે તો તેને એકના એક વાર સફળતાનો સ્વાદ ચાખવા મળતો હોઈ છે. તેવીજ રીતે આજે તમને એક તેવાજ દીકરા વિષે જણાવીઓંશું જેણે સમગ્ર ભારતમાં તેના નામનો ડંકો વગાડ્યો છે. આમ ગુજરાતના આ આદિવાસી છોકરામાં એવું તે શું ખાસ છે કે નેવીએ સામે ચાલીને નોકરી આપી. આવો તમને પુરી વાત વિગતે જણાવીએ.

આ વાત છે 22 વર્ષીય યુવાન ગુજરાતના આદિવાસી વિસ્તારમાંથી બહાર નીકળીને આગળ વધ્યો છે અને ખુદ ભારતીય નેવીએ તેને સામેથી નોકરીની ઓફર કરી છે. આ યુવાન છે નિતેશકુમાર રૂપસિંહભાઈ રાઠવા. છોટાઉદેપુર જિલ્લાના નાના એવા ગામના યુવાને નાનપણમાં જ નક્કી કરી લીધું હતું કે ગામના બીજા યુવાનોની જેમ કારખાનાની નોકરી કે મજૂરી નથી કરવી. ત્યાર બાદ તેણે રમતગમતને જ પોતાનું અંતિમ લક્ષ્ય બનાવી દીધું. તમને જણાવીએ તો સાવ કાચા મકાનમાં રહેતા નિતેશનો પરિવાર મજૂરી અને ખેતી કરીને ઘરનું ગુજરાન ચલાવે છે. જોકે ચોમાસામાં વરસાદ હોય તો ખેતી થાય છે. પાક થઈ જાય તો જાનવરોનો ત્રાસ હોય છે, એટલે કોઈ એ સંભાળવા માટે સતત જાગવું જ પડે. નિતેશના પિતા રૂપસિંહભાઈ કડિયાકામ કરે છે.

નિતેશકુમાર જણાવે છે કે ‘નાનો હતો એ વખતે ગરીબી એવી હતી એક સમયનું જ જમવાનું મળતું. બાકીનો દિવસ ભૂખ્યા રહેતા હતા. પપ્પા મજૂરી કરે અને અમે ચાર ભાઈ ભણતા હતા. એ 4 ભાઈનો ખર્ચ ઉપાડી નહોતા શકતા. આશ્રમ શાળામાં ભણતો ત્યારે પહેલી વાર શાક આવે એમાં જ સબ્જીના બટકા હોય, બીજીવાર તો પાણીમાં જ રોટલો ચોળીને ખાતા. ડિસ્ટ્રિક્ટ લેવલ સ્પોર્ટ્સ ક્વોટામાં સિલેકટ થયો ત્યાં જમવાની ફેસિલિટી સારી હતી. ઘણીવાર એવું પણ બનતું એક શૂઝની જોડી આખું વર્ષ ચલાવતો. શૂઝ ના હોય ત્યારે ઇજાઓ ઘણી થતી. પગ મચકોડાઈ જાય. ઘૂંટણમાં દર્દ થાય. વર્ષમાં 3-4 વાર ઇજાઓ થઈ જતી અને બે મહિના બેસી રહેવું પડતું. રનિંગના શૂઝ ઓછામાં ઓછા 5થી 10 હજાર રૂપિયાના આવે. વર્ષ 2018 બાદથી મેં પણ ઘરેથી રૂપિયા લેવાનું બંધ કરી દીધું. ક્યારેક મિત્રો પાસેથી લેતો. અગાઉ કહ્યું એમ થોડા રૂપિયા ખેલ મહાકુંભમાંથી, બીજાં અમારાં મેડમ કોચ મદદ કરતાં.’

નિતેશ વધુમાં કહે છે કે નિતેશ કહે છે, મારા પિતા કડિયાકામ કરે છે. એમ છતાં જ્યારે પણ જરૂર પડી તેમણે મને મદદ કરી છે. એ પછી એકેડેમીમાંથી મદદ મળી હતી. મારા પ્રિન્સિપાલ મીનાભાઈએ અમને માર્ગદર્શન આપ્યું હતું કે તમે સ્પોર્ટ્સમાં આગળ વધો. એમાંથી તમને નોકરી મળશે. એક સમય એવો હતો કે મારે શૂઝ લાવવા રૂપિયાની જરૂર હતી ત્યારે માતા-પિતાએ પણ મને કહ્યું હતું કે આટલું ભણી લીધું; હવે બહુ થયું. હવે રહેવા દો. મારી પાસે રૂપિયા નથી. તો મેં કહ્યું કે અત્યારસુધી તમે કડિયાકામ કર્યું, અમે પણ એ જ કરીશું? તમે રૂપિયા નહીં આપો તો કાંઈ નહીં, હું જાતે કઈ કરીશ. એ પછી મારાં એક મેડમ પાસેથી રૂપિયા માગ્યા હતા.

 

વધુમાં દિવ્યભાસ્કરના અહેવાલ નિતેશ રાઠવા જણાવે છે કે,’વર્ષ 2019-20માં હું એથ્લેટિકમાંથી આંધપ્રદેશના વારંગલ ક્રોસ કન્ટ્રી રમવા ગયો હતો. ત્યાં નેવીના કોચ આવ્યા હતા. મારું પર્ફોર્મન્સ જોઈને તેમણે પૂછ્યું કે તારે નોકરીની જરૂર છે. મેં કહ્યું હા, મારે જરૂર છે. તો તેમણે કહ્યું કે ટ્રાયલ માટે લેટર આવશે. એ લઈને તું આવજે. લેટર આવ્યો, જેમાં આઈએનએસ શિવાજી લોનાવલા ખાતે મને બોલાવ્યો હતો. આમ વર્ષ 2020ના ફેબ્રુઆરી મહિનામાં ત્યાં ભારતભરમાંથી અમે 7 છોકરા ત્યાં ટ્રાયલ આપવા આવ્યા હતા. અમને કહેવામાં આવ્યું કે જે સારો ટાઈમિંગ આપશે. તેની ભરતી કરવામાં આવશે. એમ હું ફર્સ્ટ આવ્યો અને મારા એકલાનું સિલેક્શન થયું હતું. 10 કિમીની દોડ 31.52 મિનિટમાં પૂરી કરી હતી. મને નેવીમાંથી ઓફર મળી ત્યારે ખબર પડી કે આવી રીતે સ્પોર્ટ્સ ક્વોટામાં ભરતી પણ થતી હોય છે. આર્મીમાં આવું થતું હોય છે એ ખબર હતી, પરંતુ મારી તો હાઇટ પણ ઓછી છે.’

તે આગળ જણાવે છે, ફોજમાં આવ્યા પછી લોકોને વધુ માહિતી મળે છે. પ્રેક્ટિસ પણ સારી થાય છે. સામાન્ય માણસ રમતક્ષેત્રમાં આ રીતે આગળ વધી ન શકે, કારણ કે ઘર પણ સંભાળવાનું હોય એટલે પૂરતું ધ્યાન ન આપી શકે, જેની પાસે રૂપિયા હોય એ વ્યક્તિ પ્રાઇવેટ એકેડેમીમાં જઈને આગળ વધી શકે છે, પરંતુ ના હોય એ ડિફેન્સના સ્પોર્ટ્સ ક્વોટામાંથી નોકરી મેળવીને પણ રમી શકે છે. આમ નિતેશ હાલ યુવાનો માટે પ્રેરણારૂપ છે.

નોંધ – વેબસાઇટ પર પ્રકાશ થતા તમામ સમાચાર અને કહાનીઓ કોઈક સોર્સ ઉપરથી લેવામાં આવેલા છે. અમારો ફક્ત એજ ઉદેશ્ય છે કે સારી માહિતી તમારા સુધી પહોંચાડવી. પ્રકાશ થતા દરેક ન્યૂઝ તથા કહાનીઓની તમામ જવાબદારી જે તે લેખક તથા સોર્સ ની રહેશે. ટુડે ગુજરાત વેબસાઇટ કે પેજ ની કોઈ પણ પ્રકારની જવાબદારી રહેશે નહિ. આ ઉપરાંત કોઈપણ વાયરલ વિડીઓ ની પુષ્ટિ ગુજરાતી અખબાર કરતુ નથી જેની ખાસ નોંધ લેવી અમારી વેબસાઈટ અને પેજ પર સારા સારા સમાચાર વાંચતા રહો અને આગળ શેર કરતા રહો