બ્રિટનના મહારાણી એલિઝાબેથનું 96 વર્ષની ઉંમરે આ કારણે થયું દુઃખદ નિધન! PM મોદીજી એ પણ દુઃખ વ્યક્ત કર્તા કહ્યું કે…

બ્રિટન ઉપર સૌથી વધારે લાંબુ શાસન કરનાર ક્વીન એલિઝાબેથ દ્વિતીયનું 96 વર્ષની વયે નિધન થયું છે. બકિંઘમ પેલેસ દ્વારા ક્વીન એલિઝાબેથના નિધન અંગે જાણકારી આપતા જણાવ્યું હતું કે, આજે બપોરે બાલ્મોરલ ખાતે ક્વીનનું નિધન થયું હતું. કિંગ અને ક્વીન કોન્સોર્ટ આજે સાંજે બેલ્મોરલ ખાતે રહેશે અને આવતીકાલે લંડન પરત ફરશે. ક્વીન એલિઝાબેથની ઉંમર 96 વર્ષની હતી અને તેઓએ બ્રિટન પર 70 વર્ષ સુધી શાસન કર્યું હતું. બ્રિટનના મહારાણી ક્વીન એલિઝાબેથ છેલ્લા ઘણા દિવસોથી બીમાર હતા.

આમ આજે જ બકિંઘમ પેલેસ દ્વારા ક્વીનના સ્વાસ્થ્ય અંગે જણાવાવમાં આવ્યું હતું કે, ક્વીનના સ્વાસ્થ્ય અંગે ડૉક્ટર્સે ચિંતા વ્યક્ત કરી છે. જે બાદથી પ્રિન્સ ચાર્લ્સ, પ્રિન્સ એન્ડ્ર્યૂ સહિતનો રોયલ પરિવાર સ્કોટલેન્ડ સ્થિત બાલ્મોરલ પેલેસ ખાતે આવી પહોંચ્યા હતા. અને બાદમાં બકિંઘમ પેલેસ દ્વારા ક્વીનના નિધનની સત્તાવાર માહિતી આપવામાં આવી હતી. ક્વીન એલિઝાબેથના નિધન બાદ પ્રિન્સ ચાર્લ્સ હવે બ્રિટેનના નવા કિંગ બની જશે.

 

 

વાત કરીએ તો ક્વીન એલિઝાબેથ 1952માં બ્રિટનના મહારાણી બન્યા હતા. બ્રિટનની ગાદી પર જ્યારે તેમની તાજપોશી થઈ ત્યારે તેમની ઉંમર માત્ર 25 વર્ષની હતી. તેમણે બ્રિટનના મહારાણી તરીકે 70 વર્ષ પૂર્ણ કર્યા હતા. અને આ ખાસ અવસરે દેશભરમાં ચાર દિવસ સુધી પ્લેટિનમ જ્યુબલી સમારોહનું આયોજન કરાયું હતું. જો કે, આ ઉજવણીમાં ક્વીન એલિઝાબેથે ભાગ લીધો ન હતો. ગત ઓક્ટોબર મહિનાથી ક્વીન એલિઝાબેથ સ્વાસ્થ્યને લગતી સમસ્યાઓનો સામનો કરી રહ્યા હતા. ગત ફ્રેબુઆરી મહિનામાં તેઓ કોરોનાથી સ્વસ્થ થયા હતા. પણ તે બાદથી તેઓ ખુબ જ નબળા પડી ગયા હતા. તેઓ જાહેર કાર્યક્રમમાં પણ જોવા ન મળતા હતા. અને તેઓ માંડ ઉભા રહી અને ચાલી શકતા હતા. દુનિયાના સૌથી વૃદ્ધ શાસકોમાં મહારાણી એલિઝાબેથનું નામ આવતું હતું.

આ દુઃખદ અવસર માં ક્વીન એલિઝાબેથના નિધન અંગે પીએમ નરેન્દ્ર મોદીએ દુઃખ વ્યક્ત કરતા કહ્યું હતું કે, વર્ષ 2015 અને 2018માં UKની મુલાકાત સમયે ક્વીન એલિઝાબેથ દ્વિતીય સાથે મારી યાદગાર મુલાકાતો થઈ હતી. હું ક્યારેય પણ તેમની હૂંફ અને દયાભાવને ક્યારેય ભૂલી શકીશ નહીં. મારી એક મુલાકાત સમયે તેઓએ મને એક હાથરૂમાલ દેખાડયો હતો, આ રૂમાલ તેમના લગ્ન પ્રસંગે મહાત્મા ગાંધીએ તેમને આપ્યો હતો. હું તેમના આ ભાવને હંમેશા યાદ રાખીશ.

તેમજ ક્વીન એલિઝાબેથનો જન્મ 21 એપ્રિલ 1026ના રોજ બર્કલેમાં થયો હતો. તે સમયે તેઓ બ્રિટનના રાજા જ્યોર્જ પંચમના બીજા પુત્ર, ડ્યુક ઓફ યોર્ક, અલ્બર્ટની મોટી પુત્રી હતા. એલિઝાબેથ ક્યારે પણ શાળાએ ગયા ન હતા. 1945માં ક્વીન એલિઝાબેથે બીજા વિશ્વયુદ્ધમાં બ્રિટન આર્મીની મહિલા બ્રાન્ચમાં જોડાઈ ગયા હતા. 20 નવેમ્બર 1947ના રોજ તેઓએ ગ્રીસ અને ડેન્માર્કના પ્રિન્સ ફિલિપ સાથે લગ્ન કર્યા હતા. 14 નવેમ્બર 1948ના રોજ તેઓના પ્રથમ પુત્ર અને આગામી કિંગ પ્રિન્સ ચાર્લ્સનો જન્મ થયો હતો. 6 ફેબ્રુઆરી 1952ના રોજ તેમના પિતા કિંગ જ્યોર્થ ષષ્ઠમના નિધન બાદ તેઓ ક્વીન બન્યા હતા. 2 જૂન 1953ના રોજ તેઓની તાજપોશી થઈ હતી. 9 એપ્રિલ 2021ના રોજ તેમના પતિ પ્રિન્સ ફિલિપનું નિધન થયું હતું. 6 ફેબ્રુઆરી 2022ના રોજ તેમના શાસનના 70 વર્ષ પૂર્ણ થતાં પ્લેટિનમ જ્યુબિલી મનાવવામાં આવી હતી.

અહી થી તમે શેર કરી શકો છો.

Leave a Reply

Your email address will not be published. Required fields are marked *