આવનારી સરદાર પટેલ જયંતી પર ચમારડી ગામના ગોપાલભાઈ વસ્તરપરા એવું કામ કરી રહ્યા છે કે જાણીને તમે પણ તેમના વખાણ કરવા લાગશો..

અખંડ ભારત ના શિલ્પી સરદાર વલ્લભભાઈ પટેલ ની ૧૪૭ મી જન્મ જયંતી આવી રહીં છે ત્યારે ચમારડીના ઉદ્યોગપતિ ગોપાલભાઈ વસ્તરપરા એ એવું કામ કરી રહ્યા છે કે જાણી ને તમે પણ તેમના વખાણ કરતા થાકશો નહિ. ગોપાલભાઈ એ ૧૪૭ ગામમાં ૮ ફૂટની ઉંચાઈ ધરાવતા સરદાર પટેલ ની મૂર્તિ લગાડવાનો સંકલ્પ કર્યો છે.તેઓ અત્યાર સુધીમાં ૧૧૧ ગામમાં સ્ટેચ્યુ લગાવી દીધા છે.આ નેકકામ કરવા પાછળનો મુખ્ય ઉદ્દેશ આવનારી પેઢી સરદાર પટેલ ના અનોખા યોગદાનને ભૂલે નહીં આથી આ અભિયાન શરૂ કર્યું છે.નર્મદા ડેમ નજીક સરદાર વલ્લભભાઈ પટેલ ની વિશાળ સ્ટેચ્યુ આવ્યું હતું જ્યાં દર વર્ષે લાખો લોકો મુલાકાતે આવે છે.

આમ સ્ટેચ્યુ ઓફ યુનિટી માં બનેલા સ્ટેચ્યુ મુજબ જ સરદારની ૮ ફૂટની ઊંચાઈ ધરાવતી પ્રતિમા તૈયાર કરવામાં આવી રહી છે જેમાં કુલ ૧૪૭ સ્ટેચ્યુ બનાવવાના છે જ્યાં ૧૧૧ સ્ટેચ્યુ તૈયાર થઈ ગયા છે અને તેને અલગ અલગ ગામમાં મૂકવામાં પણ આવી ગયા છે.ગોપાલભાઈ એ દિવ્ય ભાસ્કર સાથે વાત કરતા જણાવ્યું કે રાષ્ટ્રપિતા મહાત્મા ગાંધી હોય કે અખંડ ભારતના શિલ્પી સરદાર વલ્લભભાઇ પટેલ હોય કે પછી બંધારણના ઘડવૈયા ડો.બાબા સાહેબ આંબેડકર હોય તેમના યોગદાનને માત્ર આજની પેઢીએ નહી .

પરંતુ આવનારી પેઢીએ પણ કયારેય ભુલવુ ન જોઇએ.આજ કારણ થી દેશને એક તાંતણે બાંધનાર સરદાર પટેલની ૧૪૭ મી જન્મ જયંતિ પહેલા મે ૧૪૭ ગામોમા ૮ ફુટ ઉંચુ સ્ટેચ્યુ ઓફ યુનિટી લગાવવાનો નિર્ણય એટલા માટે જ કર્યો છે.આધુનિક સોમનાથ મંદિરના નિર્માણનો પાયો પણ સરદાર વલ્લભભાઇ પટેલે જ નાખ્યો હતો. અને એટલે જ તેમણે પોતાના વતન બાબરા તાલુકાના ચમારડી ગામથી લઇ સોમનાથ સુધીના રસ્તા પર આવતા દરેક ગામમા આ સ્ટેચ્યુ લગાવવાનુ શરૂ કર્યુ છે. આટલું જ નહિ જૂનાગઢ,ભાવનગર,રાજકોટ અને ગીર સોમનાથ માં પણ સરદાર પટેલ નું સ્ટેચ્યુ મૂકવામાં આવશે એમ જણાવ્યું છે.આમ આ વર્ષ અનોખી રીતે સરદાર પટેલની જન્મ જયંતી ઉજવવામાં આવશે.

તેમણે વધુમાં જણાવ્યું હતું કે નાના બાળકો નાનપણથી જ તેમના ઉમદા કામો અંગે જાણે આથી મોટા ભાગે શાળામાં અને કોલેજમાં મૂકવાનો નિર્ણય લેવાયો છે.આમાં સૌથી વધારે સ્ટેચ્યુ અમરેલીમાં લગાડવામાં આવશે.હાલમાં પાટણ જિલ્લાના સરસાઇ ગામ માં એક સ્ટેચ્યુ મૂકવામાં આવ્યું છે.આ સ્ટેચ્યુ ગોપાલભાઈ ના રાજકોટમાં રહેતા એક મિત્રની ફેકટરીમાં બનાવવામાં આવેલ છે.જેમાં ૮ ફૂટની ઉંચાઈ ધરાવતા સ્ટેચ્યુ બનાવવામાં આવી રહ્યા છે.જેના માટે ખાસ ડાઇ બનાવાય છે.આ સ્ટેચ્યુ ફાઈબર મટીરીયલ માંથી બનાવવામાં આવેલ છે.જેમ જેમ સ્ટેચ્યુ બનતા જાય છે તેમ તેમ તે અલગ અલગ ગામમાં મૂકવામાં આવી રહી છે.