રોહિત શર્મા ફરી એક વખત બન્યો શાહીન આફ્રિદી નો શિકાર!! ફક્ત 11 રનમા પવલીયન ભેગતા.. જુઓ વિડીયો
એશિયા કપની મેચ ભારત અને પાકિસ્તાન વચ્ચે રમાઈ રહી છે. શાહીન શાહ આફ્રિદીએ ભારતીય ટીમને શરૂઆતના બે મોટા આંચકા આપ્યા હતા. તેણે કેપ્ટન રોહિત શર્મા તેમજ વિરાટ કોહલીને પેવેલિયન મોકલ્યા હતા. રોહિત 2021 T20 વર્લ્ડ કપ દરમિયાન પાકિસ્તાન સામે જે રીતે આઉટ થયો હતો તેવી જ રીતે આઉટ થયો હતો.
શાહીને ઇનસ્વિંગ બોલ પર રોહિતને ક્લીન બોલ્ડ કર્યો હતો. શાહીનની આ જ ઇનસિંગ પર 2021 T20 વર્લ્ડ કપમાં હિટમેન એલબીડબલ્યુ આઉટ થયો હતો. એકવાર ડાબા હાથના ફાસ્ટ બોલરો સામે તેની નબળાઈ સામે આવી. એટલું જ નહીં ઓસ્ટ્રેલિયાના પૂર્વ દિગ્ગજ ખેલાડી મેથ્યુ હેડનની ભવિષ્યવાણી પણ સાચી સાબિત થઈ. હેડને રોહિતને શાહીનની ત્રણ ઓવર રમવાની સલાહ આપી હતી.
પલ્લેકેલે સ્ટેડિયમમાં ભારત-પાકિસ્તાન મેચ પહેલા ઓસ્ટ્રેલિયાના પૂર્વ ઓપનર મેથ્યુ હેડને ભારતીય કેપ્ટન રોહિત શર્માને કેટલીક સલાહ આપી હતી. હેડને ભારતીય સુકાની રોહિત શર્માને UAE 2021 T20 વર્લ્ડ કપ જેવી સ્થિતિ ટાળવા માટે પાકિસ્તાની ઝડપી બોલર શાહીન શાહ આફ્રિદીની પ્રથમ ત્રણ ઓવરમાં સાવચેત રહેવા કહ્યું હતું. 2021 T20 વર્લ્ડ કપમાં રોહિતને અંદરના યોર્કર બોલ પર આફ્રિદીએ એલબીડબલ્યુ કર્યો હતો. આ મેચમાં તે ખાતું ખોલવામાં નિષ્ફળ રહ્યો હતો. તે ગ્રુપ મેચમાં ભારતને 10 વિકેટે શરમજનક હારનો સામનો કરવો પડ્યો હતો.
2021 T20 વર્લ્ડ કપમાં ભારતીય ટીમ પ્રથમ બેટિંગ કરવા ઉતરી હતી. શાહીન આફ્રિદી પહેલી ઓવર નાખવા આવ્યો હતો. ઓવરના ચોથા બોલ પર શાહીને ઇનસ્વિંગ ફેંકીને રોહિતના પેડ પર વાગી હતી. અમ્પાયર આઉટ LBW. તે મેચમાં રોહિત પોતાનું ખાતું ખોલાવી શક્યો નહોતો.
રોહિતે એશિયા કપ 2023માં પાકિસ્તાન સામે સારી શરૂઆત કરી હતી. તેણે શુભમન ગિલ સાથે 15 રન જોડ્યા. તે 15માંથી 11 રન રોહિતના હતા. તેણે બે ચોગ્ગા ફટકાર્યા હતા. આ પછી પાંચમી ઓવરમાં વરસાદના કારણે મેચ બંધ થઈ ગઈ હતી. થોડા સમય પછી મેચ ફરી શરૂ થઈ ત્યારે શાહીન આફ્રિદીએ પાંચમી ઓવરના છેલ્લા બોલ પર એ જ ઇનસ્વિંગ બોલ ફેંક્યો અને રોહિત સંપૂર્ણપણે ચૂકી ગયો. બેટ અને પેડની વચ્ચે નીકળતો બોલ સીધો સ્ટમ્પ પર અથડાયો. તે ક્લીન બોલ્ડ થયો હતો. રોહિતે 22 બોલમાં 11 રનની ઇનિંગ રમી હતી.
2021થી અત્યાર સુધી રોહિત ડાબા હાથના ફાસ્ટ બોલરો સામે લડતો જોવા મળ્યો છે. આ દરમિયાન રોહિતે આવા બોલરોની સામે 147 બોલ રમ્યા છે અને 138 રન બનાવ્યા છે. તેની સરેરાશ 23 છે અને ડાબા હાથના ઝડપી બોલરો સામે તેનો સ્ટ્રાઈક રેટ 93.87 છે. આ દરમિયાન ડાબા હાથના ફાસ્ટ બોલરોએ હિટમેનને છ વખત આઉટ કર્યો છે. તેમાંથી તે પ્રથમ પાંચ ઓવરમાં ચાર વખત આઉટ થયો છે.
Shaheen Afridi, you beauty 👌
What a peach of a delivery as Rohit Sharma is gone for a 🦆
© @ICC #T20WorldCupsquad #INDvPAK pic.twitter.com/fUrRE18yNX
— Malik Ali Raza (@MalikAliiRaza) October 24, 2021