અમદાવાદમાં પાઉંભાજીની લારી ચલાવતો વ્યક્તિ 58 ઓનેસ્ટનાં માલિક બન્યા! દુકાનના કચરા-પોતા કરતા…

જીવનમાં સફળતા એવી મેળવો કે, દુનિયા તમારી સફળતા ને પોતાની સફળતાનું કારણ બનાવે.હા આ વાત સત્ય છે. જીવનમાં એવા અનેક લોકો છે, જેમણે દિવસ રાત એક કરીને અથાગ પરિશ્રમ થકી જે હાંસિલ કર્યું છે, તે પહેલાં તેમના દિવસો પણ દુઃખ નાં જ હતા પરંતુ સુખ નો સૂરજ ત્યારે જ ઉગ્યો જ્યારે તેમને હોનેસ્ટ ચાલુ કરી.ગુજરાતનાં કોઈપણ માર્ગ લઈ લો તમને હોનેસ્ટ તો મળી જશે. હવે તમે વિચારશો કે આ હોનેસ્ટમાં શું ખાસ છે?

એક પાઉંભાજી માંથી શરૂ થયેલ રેસ્ટોરન્ટની સફળતા ની કહાની અનોખી છે.‘Honest’. અમદાવાદ જેવા મેટ્રો સિટી ના લૉ-ગાર્ડન નજીક એક નાની એવી લારી થી થયેલો Honest નો પ્રારંભ હાલ આજે અમેરિકા સહિત સમગ્ર વિશ્વભર મા ૫૫ રેસ્ટોરન્ટ ની સંખ્યા સુધી પહોંચી ગયો છે.વિજય ગુપ્તા ની અથાગ પરિશ્રમ નું આ પરિણામ છે. ઉત્તરપ્રદેશ થી આજીવિકા મેળવવા માટે ગુજરાત આવેલા પિતા રમેશ ગુપ્તાએ ભેળપુરી ની લારી ની શરૂઆત કરી હતી.

આ લારી ને હાલ કોલેજ ડ્રોપ-આઉટ વિજય ગુપ્તાએ પ્રખ્યાત બ્રાન્ડ બનાવી દીધી છે. આ ભવ્ય સફળતા પાછળ નું સૌથી વિશેષ કારણ જો કોઈ હોય તો તે એ છે કે, સામાન્ય વર્ગ ને ધ્યાન મા રાખી ને ફૂડ તૈયાર કરીએ છીએ. ચોપાટી ફૂડ એ જ હોનેસ્ટ નું ઓળખ બની. રોજગારી મેળવવા તથા આજીવિકા કમાવવા માટે જ રમેશભાઇ ગુપ્તા ગુજરાત સ્થળાંતરિત થયા હતા.ઉત્તરપ્રદેશ ના મથુરા પાસે ના પચેરા ગ્રામ્ય વિસ્તાર મા રમેશભાઇ નો પરિવાર ખેતી કરતો હતો.

રમેશભાઇએ અમદાવાદ ના રતનપોળ ના નાકે ચેતન ભેળપૂરી નામ થી લારી રાખી ને ધંધા ની શરૂઆત કરી. સ્વાદિષ્ટ વાનગીઓ નાં કારણે આસપાસ ના વિસ્તાર મા તથા લોકો મા તે પ્રખ્યાત બનીઅહીં નાસ્તો કરવા માટે આવતા જૈન વ્યાપારીઓ પાસે થી જ ધંધા ના ગુણો શિખ્યા. રતનપોળ થી આ બીઝનેસ ને સિટી મા કઈ રીતે લઇ જવો તે અંગે રમેશભાઈ વિચારી રહ્યા હતા. ૧૯૭૨ ના વર્ષ મા લો-ગાર્ડન પાસે શરૂ કરેલી લારી મા, ભેળ ની સાથે પાઉંભાજી બનાવવા નુ પણ શરૂ કર્યું. પારસી વ્યાપારી પાસે થી અંગત સલાહ લીધા બાદ આ બીઝનેસ નું નામ ચેતનમાં થી બદલી ને ઓનેસ્ટ રાખ્યું.

લો-ગાર્ડન પાસે શરૂ કરેલી ઓનેસ્ટ પાઉંભાજી માટે લોકો ઘરે માલ તૈયાર કરતા હતા. રમેશભાઇ તેમની પત્ની, તેમના ત્રણ પુત્રો તથા બે કારીગર સહિત સાત લોકો લારી પર કાર્ય કરતા હતા. લો-ગાર્ડન પર ની આ ઓનેસ્ટ પાઉંભાજી ની નાની એવી લારી એ ધીમે-ધીમે શહેર ના લોકો ને સ્વાદ નો ચસ્કો લગાવી દીધો. આ લારી મા ઓઈલ ના ૨૫ અને બટર ના ૬૫ પૈસા મા પાઉંભાજી વેચતા હતા અને રોજ નું ૬૦ રૂપિયા નું કાઉન્ટર થતું હતું.

વિજય ૧૯૮૧ મા ફુલ ટાઇમ માટે પિતા ના આ બીઝનેસ મા જોડાયો. વિજયે બંને ભાઇઓ સાથે મળી ને પિતા ના વ્યવસાય ને આગળ લઇ જવા નો વિચાર કર્યો. આ ધંધા ને ઉચ્ચ સ્તર પર લઈ જવા માટે વિજયભાઇએ ૧૯૮૯ મા લો-ગાર્ડન પાસે વ્હાઇટ હાઉસ મા બિલ્ડર ની સહાયતા થી એક દુકાન ખરીદી. ઓનેસ્ટ એક વેલ-નોન બ્રાન્ડ બનેલી હોવાના કારણે દુકાન પર પહેલા દિવસ થી જ લાઇન લાગવા માંડી.

પાઉંભાજી શોપ મા વિજય તેમજ બન્ને મોટા-ભાઇઓ કચરા-પોતાનું કામ કરતા હત પરતું સ્વાદ ના કારણે ઓનેસ્ટ શોપ મા પ્રારંભિક કાળ થી જ ૭ થી ૮ હજાર નો ફાયદો થયો.આ ધંધા નો વ્યાપ વધારવા માટે ૧૯૯૪ મા ત્રણેય ભાઇઓએ અલગ-અલગ જવાબદારી સ્વીકારી. ગ્રાહકો ના બહોળા પ્રતિસા દના કારણે વર્ષ ૨૦૦૦ સુધી મા ઓનેસ્ટ ના પાંચ આઉટલેટ નો પ્રારંભ થયો.

અમદાવાદ ની બહાર સૌપ્રથમ મહેસાણા અને ત્યારબાદ લીંબડી મા ઓનેસ્ટ રેસ્ટોરન્ટ નો પ્રારંભ થયો. અન્ય રેસ્ટોરન્ટ ની ફ્રેન્ચાઇઝી ની માંગ ની વૃદ્ધિ ના કારણે વર્ષ ૨૦૦૪ મા ઓનેસ્ટ કંપની સ્થાપી. વર્ષ ૨૦૧૩ મા માઉન્ટ આબુ મા ઓનેસ્ટ કંપની ખોલી ને ગુજરાત ની બહાર ધંધો ફેલાવવા ની કાર્યવાહી નો પ્રારંભ કર્યો. હાલ યુએસ મા ૨, થાઇલેન્ડ અને યુએઇ મા ૧-૧ સહિત ભારત મા ઓનેસ્ટ કંપની ની ૫૮ રેસ્ટોરન્ટ છે. હાઇ-વે, રેસ્ટોરન્ટ તેમજ ૩ સ્ટાર હોટલ મા ઓનેસ્ટ નો વ્યવસાય છે. ૨૦૦૦ થી વધુ લોકો ને ઓનેસ્ટ કંપની રોજગારી આપે છે.આને કહેવાય સફળતા.